Keçid linkləri

Təcili xəbərlər
2020, 30 Oktyabr, Cümə, Bakı vaxtı 21:11

Formula-1 yarışları başlayır


Formula-1

Bu gün, aprelin 27-də Bakıda «Formula -1» üzrə Azərbaycan Qran-prisi start götürür.

Bakı Şəhər Halqasının məlumatına görə, 10 komandadan ibarət 20 pilotun birincilik uğrunda mübarizə aparacağı yarış trekinin uzunluğu 6 kilometrdir.

Bakı şəhər halqası paytaxtın tam mərkəzindən keçir.

Yarışın start və finiş xətləri Azadlıq meydanında olacaq. Burada həmçinin, «Paddok klub», komandaların boksları və pit-leyn qurulub.

Aprelin 27-də «Formula-1» və «Formula- 2» üzrə sərbəst yürüşlər təşkil olunacaq.

Aprelin 28-də «Formula-1» üzrə sərbəst və sıralama yürüşü, «Formula- 2» üzrə isə birinci yarış keçiriləcək.

Aprelin 29-da isə «Azərbaycan Qran-Pri»si və «Formula-2» üzrə ikinci yürüş baş tutacaq.

Xatırlatma

Azərbaycanda «Formula-1» yarışları bu il üçüncü dəfədir ki, keçirilir. Buna qədər bu yarışlar Azərbaycanda 2016-cı və 2017-ci illərdə keçirilib. Bu yarışlar, razılaşmaya əsasən, Azərbaycanda 2019 və 2020-ci illərdə də təşkil edilməlidir. Azərbaycan rəsmilərinin bildirməsinə görə, əvvəlcədən razılaşdırılmış bu haldan imtina edərlərsə, ölkəni 50 milyon dollar cərimə gözləyir.

Ancaq rəsmilər ümumilikdə «Formula-1» yarışlarına nə qədər xərc çəkildiyini açıqlamırlar. Azərbaycan müxalifəti baş verənləri israfçılıq sayır.

Multimedia

XS
SM
MD
LG