Keçid linkləri

2024, 19 Mart, çərşənbə axşamı, Bakı vaxtı 08:27

Azərbaycan mətbuat azadlığına görə 163-cüdür – 180 ölkə içində


Karikatura
Karikatura

Azərbaycan mətbuat azadlığına görə 180 ölkə içində 163-cü yerdədir. Bunu Fransada yerləşən Sərhədsiz Reportyorlar təşkilatı aprelin 25-də açıqladığı Mətbuat Azadlığı İndeksinə əsasən bildirir.

Qonşulardan Ermənistan 80, Gürcüstan 61-ci, İran 164-cü yeri tutub.

TRUMP TƏNDİQ OLUNUR

Ancaq RSF həm də xəbərdarlıq edir ki, mətbuat azadlığının pozulması təkcə avtoritar rejimlərə və diktaturalara xas deyil. Builki indeksdə mediaya nifrət mühitinin gücləndiyi daha çox görünür.

Birləşmiş Ştatlar bu il iki pillə geriləyərək 45-ci yerə düşüb.

Siyasi liderlərin mediaya düşmənçiliyi daha Türkiyə (157) və Misir (161) kimi avtoritar ölkələrlə məhdudlaşmır. Bu ölkələrdə mediafobiya elə qabarıqdır ki, jurnalistlər bir qayda olaraq terrorçuluqda suçlanır, sadiqlik sərgiləməyənlər qanunsuz həbs olunur”, – hesabatda deyilir.

Demokratik yolla seçilmiş liderlər getdikcə daha medianı demokratiyanın təməl sütunu kimi görmürlər”, – sənəddə vurğulanır.

***Buna da bax: Prezident: 'Mümkün olan işlər maksimum görülüb'

Budəfəki hesabatda ABŞ prezidenti Donald Trump kəskin tənqid olunur, “medianı qaralamağa həvəsli” kimi göstərilir. Onun jurnalistlərlə bağlı “xalqın düşməni” ifadəsini işlətməsi yada salınır, vaxtilə sovet diktatoru Joseph Stalin-in bu sözü dilə gətirdiyi vurğulanır.

Artıq ikinci ildir Norveç və İsveç birinci və ikinci yerləri tutub. Şimali Koreya isə indeksin dibində yer alıb.

“QOLUZORLULAR” NÜFUZ DAİRƏSİNİ GENİŞLƏNDİRİR

RSF bildirir ki, bu indeks həm də “qoluzorluların” öz sərhədlərindən kənarda da nüfuzunu yaydığını göstərir.

Ölkəsində müstəqil səsləri boğan Rusiya (148-ci yer) prezidenti Vladimir Putin RT və Sputnik media orqanları vasitəsilə propaqanda şəbəkəsini genişləndirir. Çin (176) lideri Xi Jinping isə sərt nəzarət etdiyi xəbər və informasiya modelini Asiyaya ixrac edir”, – hesabatda deyilir.


Onların tənqidi və narazıları amansızcasına susdurması indeksin dibində yer alan Vyetnam (175), Türkmənistan (178) və Azərbaycana (163) dəstək vermiş olur”, – sənəddə bildirilir.

Qeyd edək ki, Azərbaycan rəsmiləri bu hesabata, hələlik, münasibət bildirməyiblər. Ancaq indiyədək hakimiyyət təmsilçiləri ölkədə mətbuat azadlığının da digər təməl hüquq və azadlıqlar kimi tam təmin olunduğunu bildiriblər.

***Buna da bax: İ.Əliyev: 'Onların Azərbaycanın siyasi səhnəsində yeri yoxdur'

Gün ərzində AzadlıqRadiosu bu hesabata reaksiyaları təqdim edəcək. Saytımızı izləyin.

Ümumilikdə götürəndə keçmiş sovet respublikaları və Türkiyənin dünyada mətbuat azadlığı sahəsində geriləmənin önündə etdiyi bildirilir. Region ölkələrinin üçdə ikisi 150-ci yerə yaxın, ya da ondan aşağıda qərarlaşıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG