Keçid linkləri

Təcili xəbərlər
2018, 25 May, Cümə, Bakı vaxtı 11:21

Trump Mueller-i də işdən çıxarmaq istəyibmiş


Robert Mueller (solda) və Donald Trump

“The New York Times” xəbər verir ki, ABŞ prezidenti Donald Trump xüsusi müşavir Robert Mueller-in işdən kənarlaşdırılmasına iyunda qərar veribmiş, ancaq Ağ evdəki müşaviri istefa verməklə hədələyəndən sonra qərarını geri götürüb.

The Times yanvarın 25-də məsələylə tanış dörd nəfərə istinadla bu haqda yazıb.

Qəzet Ağ evdən münasibət ala bilmədiyini də qeyd edir.

Qəzetin yazdığına görə, Trump Mueller-in işdən kənarlaşdırılması əmrini verib, amma Ağ evin müşaviri Donald McGahn bu əmrin icrasındansa özü istefa verəcəyini deyib.

ABŞ kəşfiyyat agentlikləri Rusiyanın 2016-cı ildə Birləşmiş Ştatlarda prezident seçkisinə müdaxiləyə cəhd göstərməsi qənaətinə gəliblər.

Hazırda bu məsələni Mueller və Konqresin üç ayrı-ayrı komitəsi araşdırır.

Trump seçki kampaniyasının Moskvayla heç bir əməkdaşlığa getmədiyini deyir. Rusiya da müdaxilə iddialarını danır.

Günün bütün mövzuları

XS
SM
MD
LG