Keçid linkləri

Təcili xəbərlər
2021, 17 May, Bazar ertəsi, Bakı vaxtı 20:47

Moskvadakı insidentdən sonra doqquz nəfər xəstəxanadadır


İnsident yeri

Dekabrın 25-də Moskvada sərnişin avtobusunun piyada keçidinə sürməsindən xəsarət almış doqquz nəfər xəstəxanadadır. Bunu rəsmilər dekabrın 26-da bildirib.

Hadisə zamanı azı dörd nəfər həlak olub. Ölənlər içində 12 yaşlı qız da var.

Xəstəxanada olanların xəsarətləri “ağır” və “orta ağır” sayılır.

İnsident zamanı avtobus piyada keçidinə sürüb, pilləkənlərə dəyərək dayanıb.

Sürücü dindirilmək üçün saxlanılsa da, hüquq-mühafizə orqanları terror versiyasını istisna ediblər.

Onlar hadisəyə ya texniki nasazlığın, ya da sürücünün idarəetməni itirməsinin səbəb ola biləcəyini deyiblər.

Moskvanın meri Sergei Sobyanin şəhərdəki bütün sərnişin avtobuslarının yoxlanmasına göstəriş verib.

XS
SM
MD
LG