Keçid linkləri

Təcili xəbərlər
2018, 19 İyul, Cümə axşamı, Bakı vaxtı 03:38

Hakim Manafort-a xəbərdarlıq edir


Paul Manafort, 11 dekabr, 2017-ci il

Prezident Donald Trump-ın keçmiş seçki kampaniyası sədrinə qarşı cinayət işinə baxan hakim ona xəbərdarlıq edib. Səbəb Paul Manafort-un xarici qəzetlərdə köşə yazıları yazmağa çalışmasıdır.

İttihamçılar ötən həftə Manafort-a qarşı iddia qaldıraraq bildiriblər ki, ev dustaqlığında olmasına baxmayaraq, o, ukraynalı həmkarıyla işləyərək ingiliscə çıxan “Kyiv Post” qəzeti üçün məqalə yazır.

Ukrayna hökumətinin keçmiş rəsmisinin adından dərc olunan məqalədə Manafort-un Ukraynadakı siyasi fəaliyyəti alqışlanıb.

Hakim Amy Jackson dekabrın 11-də keçirilən məhkəmə iclasında Manafort-u danlayıb və ona xəbərdarlıq edib ki, gələcəkdə bu cür işlər ona qarşı cinayət işinə təsirini göstərə bilər.

Manafort biznes ortağı Rick Gates-lə birlikdə çirkli pulyuma, xarici agent kimi qeydiyyatdan keçməmə və digər ittihamlarla suçlanır. Manafort bir neçə il Ukraynada rusiyapərəst siyasi partiyalarla işləyib.

O, avqustda Trump-ın seçki kampaniyasından istefa verib.

ABŞ-da xüsusi müşavir Robert Mueller Rusiyanın ötən ilki seçkiyə müdaxilə cəhdlərini araşdırır. İndiyədək Trump-ın dörd həmkarına ya ittiham verilib, ya da federal ittihamlar qarşısında təqsirini boynuna alıb.

Günün bütün mövzuları

XS
SM
MD
LG