Keçid linkləri

Təcili xəbərlər
2018, 10 Dekabr, Bazar ertəsi, Bakı vaxtı 12:09

Kerimov-dan 40 milyon avro tələb olunur


Suleiman Kerimov, 2012-ci il

Fransa məhkəməsi rusiyalı biznesmen və deputat Suleiman Kerimov-dan 40 milyon avro girov pulu tələb edir.

Rusiya parlamentinin yuxarı palatasının üzvü olan Kerimov noyabrın 20-də Nitsada saxlanıb. O, Rivierada dəbdəbəli əmlak almaqda və vergidən yayınmaqda şübhəli bilinir.

Kerimov zaminə buraxılmaqdan ötrü 5 milyon avro ödəyib, pasportunu da təhvil verib. Ancaq ittihamçılar daha yüksək məbləğ tələb edirdilər və məhkəmə dekabrın 6-da 40 milyon avronu müəyyənləşdirib.

Mühafizəçilərin əhatəsində məhkəmədən çıxan Kerimov jurnalistlərin suallarını cavablandırmayıb.

Forbes jurnalı Kerimov-un sərvətinin 6,3 milyard dollar olduğunu bildirir.

Rusiya Federasiya Şurasında Dağıstanı təmsil edən Kerimov-un həbsi Moskvanı qəzəbləndirib.

Rusiyanın Xarici İşlər Nazirliyi noyabrın 22-də bildirib ki, Fransanın Moskvadakı səfirliyinin müvəqqəti işlər vəkilinə etiraz bildirilib.

Nazirliyin bildirməsinə görə, Kerimov-un diplomatik toxunulmazlığı barədə Fransaya məlumat verilib.

Günün bütün mövzuları

XS
SM
MD
LG