Keçid linkləri

2017, 16 Dekabr, şənbə, Bakı vaxtı 15:04

Azərbaycan Ümumdünya Sərgisinə ev sahibi olmaq istəyir


M.Əliyeva

Noyabrın 14-də Parisdə, Royal Pavilyonda Azərbaycanın paytaxtı Bakının Beynəlxalq Sərgilər Bürosunun 2025-ci ildə keçiriləcək Ümumdünya Sərgisinə namizəd şəhər olması münasibətilə qəbul təşkil edilib.

AZƏRTAC-ın xəbərinə görə, Azərbaycanın birinci vitse-prezidenti Mehriban Əliyeva da tədbirdə iştirak edib.

M.Əliyeva tədbirdə çıxış da edib. O deyib ki, Azərbaycan hökuməti adından Bakının 2025-ci ildə keçiriləcək Ümumdünya Sərgisinə ev sahibliyi etməsindən ötrü namizədliyini təqdim ediblər:

«Ümumdünya sərgisi bütün mədəniyyətlərə bərabərlik və hörmət prinsipinə əsaslanan müxtəlifliyi sərgiləmək üçün bir platformadır. Bu sərgilər qlobal müzakirələr və əməkdaşlıq üçün bütün beynəlxalq ictimaiyyəti nadir bir məkanda bir araya gətirir. Buna görə də əminəm ki, Azərbaycan bu universal platformaya ev sahibliyi etmək üçün ən yaxşı məkanlardan biridir. Əsrlər boyu ölkəmiz qitələrin və sivilizasiyaların kəsişməsində yerləşib. Azərbaycan Şərq ilə Qərb, Şimal ilə Cənub arasında ticari, siyasi və mədəni körpü rolunu oynayır».

M.Əliyevanın deməsinə görə, əsrlər boyu Azərbaycanda müxtəlif etnik qruplar və dinlər sülh, harmoniya, qarşılıqlı hörmət şəraitində birgə yaşayıblar.

«Biz sərgi məkanının yaradılmasına və istismarına bütün lazımi vəsaiti ayırmağa, həmçinin inkişaf etməkdə olan ölkələrin sərgidə iştirakını dəstəkləməyə hazırıq», - deyə o bəyan edib.

XATIRLATMA

Azərbaycan «Expo 2025 Baku» Sərgisini mayın 10-dan noyabrın 10-dək təşkil etmək təklifini irəli sürüb. Sərginin mövzusu isə «İnsan kapitalını inkişaf etdirək, daha yaxşı gələcək quraq» olacaq.

Bakı ilə yanaşı, Rusiyanın Yekaterinburq, Yaponiyanın Osaka və Fransanın Paris şəhərlərinin də «Expo 2025» Ümumdünya Sərgisinin keçirilməsindən ötrü namizədliyi irəli sürülüb.

Günün bütün mövzuları

XS
SM
MD
LG