Keçid linkləri

2017, 16 Dekabr, şənbə, Bakı vaxtı 18:59

Binə qəsəbəsində F-1 əl qumbarası aşkarlanıb


Qumbara

Azərbaycan Ərazilərinin Minalardan Təmizlənməsi üzrə Milli Agentlik (ANAMA) Xəzər rayonunda əl qumbarası aşkarlanması ilə bağlı məlumat yayıb.

Məlumatda bildirilir ki, onlara Fövqəladə Hallar Nazirliyindən Xəzər rayonu Binə qəsəbəsi ərazisində 1 ədəd qumbaranın olması barədə məlumat daxil olub.

«Agentliyin mütəxəssisləri noyabrın 13-ü həmin ərazidə bir ev və həyətyanı sahəyə baxış keçiriblər. Aparılan əməliyyat axtarış tədbirləri nəticəsində bir ədəd F-1 əl qumbarası aşkar edilib və zərərsizləşdirilməsi üçün götürülərək agentliyin mərkəzi məhvetmə ərazisinə daşınıb», - məlumatda vurğulanır.

Məlumatda bildirilir ki, aşkar olunan əl qumbarasının ətrafında 35 kvadratmetr əraziyə yerüstü baxış keçirilib. Bundan əlavə təhlükəli əşya və qurğu aşkar edilməyib.

Günün bütün mövzuları

XS
SM
MD
LG