Bu gün, oktyabrın 7-si prezidenti İlham Əliyev ATƏT-in Minsk qrupunun həmsədrləri Stefan Viskontini (Fransa), İqor Popovu (Rusiya), Endrü Şeferi (ABŞ) və bu qurumun fəaliyyətdə olan sədrinin xüsusi nümayəndəsi Anji Kaspşiki qəbul edib.
AZƏRTAC-ın xəbərinə görə, görüşdəDağlıq Qarabağ münaqişəsinin nizama salınması ilə bağlı aparılan danışıqların hazırkı vəziyyəti və perspektivləri müzakirə edilib. Gələcək yüksək səviyyəli görüş haqqında söhbət aparılıb.
Sonra prezidenti İlham ƏliyevinATƏT-in Minsk qrupunun ABŞ-dan olan yeni həmsədri Endrü Şeferi ayrılıqda qəbul edib.
Buna da bax: Nazirlər görüşdü, həmsədrlər bəyanat verdi
Endrü Şoferə fəaliyyətində uğurlar arzulayan dövlət başçısı bildirib ki, ABŞ-dan olan əvvəlki həmsədrlər Dağlıq Qarabağ münaqişəsinin nizama salınması istiqamətində digər həmsədrlərlə birgə səylərini əsirgəməyiblər.
Ancaq münaqişənin həllinə indiyədək nail olunmadığını təəssüflə qeyd edən prezident vurğulayıb ki, buna səbəb Ermənistanın status-kvonu dəyişməz olaraq saxlamağa çalışmasıdır.
O deyib ki, Ermənistanişğal olunmuş torpaqların boşaldılması ilə bağlı BMT Təhlükəsizlik Şurasının müvafiq qətnamələrinə məhəl qoymur. Prezident bildirib ki, Azərbaycanın bu münaqişənin tezliklə həllində maraqlıdır.
AZƏRTAC-ın xəbərinə görə, Endrü Şoferisə öz növbəsində vurğulayıb ki, münaqişənin beynəlxalq hüququn normaları əsasında, sülh yolu ilə həlli istiqamətində aparılan prosesdə səylərini əsirgəməyəcək.
Oktyabrın 6-da həmsədrlər Ermənistana səfər ediblər. Ona qədərsə amerikalı həmsədr Endrü Şeferi Dağlıq Qarabağda tanışlıq (O fəaliyyətə yenicə başlayıb) səfərində olub.
Həmsədrlərin Azərbaycan prezidenti Ilham Əliyevlə görüşündən sonra xarici işlər naziri Elmar Məmmədyarovla da görüşü gözlənilir.
Xatırlatma
Qarabağ münaqişəsi 1988-ci ildə başlayıb. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi, ona bitişik 7 rayon və bəzi əlavə kəndlər işğal edilib. Atəşkəs razılaşmasından sonra da cəbhədə tez-tez atəş səsləri eşidilməkdədir. Tərəflər, bir qayda olaraq, buna görə bir-birlərini ittiham edirlər.
Buna da bax: Ramiz Mehdiyev: 'Artıq proseslər dözülməz həddə çatıb'
Dağlıq Qarabağ münaqişəsinin həlli ilə bağlı sülh danışıqları ATƏT-in Minsk qrupu həmsədrlərinin vasitəçiliyi ilə aparılır. ABŞ, Rusiya və Fransa həmsədr dövlətlərdir.
