Keçid linkləri

2017, 23 Noyabr, Cümə axşamı, Bakı vaxtı 11:16

Gözəl Bayramlının həbs müddəti uzadılıb


Bu gün, oktyabrın 6-sı AXCP sədrinin müavini Gözəl Bayramlının həbs müddəti uzadılıb.

Bu haqda vəkil Zibeydə Sadıqova bildirib.

Vəkilin deməsinə görə, Nəsimi Rayon Məhkəməsi həbs müddətinin dekabrın 25-nə qədər uzadılması haqda qərar çıxarıb.

Bundan öncə istintaq xanım siyasətçinin həbs müddətinin uzadılması ilə bağlı məhkəməyə müraciət etmişdi.

XATIRLATMA

AXCP sədrinin müavini G.Bayramlı mayın 25-i axşam saatlarında Gürcüstandan qayıdarkən saxlanıb. Dövlət Sərhəd Xidmətinin İstintaq və Təhqiqat İdarəsində Cinayət Məcəlləsinin 206.1-ci (qaçaqmalçılıq) maddəsi ilə cinayət işi başlanıb. Mayın 26-da Səbail Rayon Məhkəməsində onun barəsində ilkin olaraq üç ay müddətinə həbs-qətimkan tədbiri seçilib. Avqustun 17-də bu müddət daha iki ay uzadılıb.

Rəsmi açıqlamada Gürcüstandan qayıdarkən G.Bayramlının əşyaları arasında bəyan edilməmiş 12 min dollar pul tapıldığı iddia olunur. G.Bayramlı isə məhkəmədə deyib ki, həmin pulu hüquq-mühafizə əməkdaşları özləri onun əşyaları arasına atıblar, onun həbsi siyasi xarakter daşıyır. Gürcüstana isə müalicə məqsədilə gedib. Son iki ildə Gürcüstanda üç dəfə əməliyyat olunub.

Hazırda istintaqı Baş Prokurorluğun Ağır cinayətlərə dair işlər üzrə İstintaq İdarəsi aparır.

Günün bütün mövzuları

XS
SM
MD
LG