Keçid linkləri

Təcili xəbərlər
2018, 18 Dekabr, çərşənbə axşamı, Bakı vaxtı 16:55

Mehman Əliyevin həbsindən apellyasiya şikayəti verilib


Mehman Əliyev həbs edildi
Gözlə

No media source currently available

0:00 0:01:50 0:00

Mehman Əliyev həbs edildi

«Turan» İnformasiya Agentliyinin direktoru Mehman Əliyevin həbsindən apellyasiya şikayəti verilib. Bunu vəkil Fuad Ağayev deyib.

F.Ağayev bildirib ki, şikayət Yasamal Rayon Məhkəməsinin qərarından verilib:

«İşə yaxın günlərdə Bakı Apellyasiya Məhkəməsində baxılacaq, amma dəqiq vaxtı hələ məlum deyil».

Vəkil vurğulayıb ki, onlar ittihamları əsassız sayaraq, M.Əliyevin azadlığını istəyirlər.

Avqustun 25-i Yasamal Rayon Məhkəməsinin qərarı ilə «Turan» İnformasiya Agentliyinin direktoru M.Əliyev haqqında noyabrın 7-nə kimi həbs-qətimkan tədbiri seçilib. Ona Cinayət Məcəlləsinin 213.1 (vergi ödənişindən yayınma), 308.1 (vəzifə səlahiyyətlərindən sui-istifadə) və 192.2 (qanunsuz sahibkarlıq) maddələri ilə ittiham irəli sürülüb. Müdafiə tərəfi ittihamları qəbul etmir və onu siyasi sifariş sayır.

Vergilər Nazirliyi avqustun 8-də «Turan» agentliyinin fəaliyyətinin səyyar vergi yoxlamasına başlayıb. Nazirlik iddia edir ki, 60 min manat vergidən yayındırılıb. M.Hüseynov ittihamları qəbul etmir.

Avqustun 17-də isə artıq agentlikdən son 7 ilin sənədlərinin istənildiyi bildirilib. Üstəlik, agentliyin bütün bank hesabları dondurulub.

«Turan» İnformasiya Agentliyinin kollektivi bəyan edib ki, sentyabrın 1-dən fəaliyyətlərini qeyri-müəyyən bir vaxta kimi dayandırmaq məcburiyyətindədirlər.

Günün bütün mövzuları

XS
SM
MD
LG