Keçid linkləri

Təcili xəbərlər
2018, 11 Dekabr, çərşənbə axşamı, Bakı vaxtı 23:19

Fikrət Fərəməzoğlunun məhkəməsi başlayır


Fikrət Fərəməzoğlu

Bakı Apellyasiya Məhkəməsi jam.az (Jurnalist Araşdırmaları Mərkəzi) saytının rəhbəri, jurnalist Fikrət Fərəməzoğlunun vəkillərinin apellyasiya şikayətini icraata qəbul edib. Şikayət hakim Namiq Məmmədovun sədrlik etdiyi kollegiyanın icraatına verilib.

Jurnalistin vəkillərindən Zibeydə Sadıqova AzadlıqRadiosuna deyib ki, şikayət üzrə ilk məhkəmə iclası avqustun 28-nə təyin olunub.

Vəkilləri Apellyasiya Məhkəməsindən 7 il azadlıqdan məhrum edilmiş F.Fərəməzoğlu barəsində bəraət hökmünün çıxarılmasını istəyiblər.

XATIRLATMA

Fikrət Fərəməzoğlu Cinayət Məcəlləsinin 182-ci maddəsiylə ittiham olunur. O, müxtəlif restoran, iaşə obyektlərinin sahiblərindən hədə-qorxu ilə pul tələb etməkdə suçlanır. Amma jurnalist ittihamı qəbul etmir, «restoran», «masaj salonu» adı altında fəaliyyət göstərən əxlaqsızlıq yuvalarını ifşa etdiyinə görə sifarişlə həbs olunduğunu bildirir. Onun deməsinə görə, həmin yerləri vəzifəli şəxslər himayə edir.

Bu il iyunun 14-də jurnalist 7 il azadlıqdan məhrum edilib.

F.Fərəməzoğlu 10 il öncə də cinayət məsuliyyətinə cəlb edilib. Həmin vaxt daxili işlər naziri Ramil Usubov ona böhtan atıldığı iddiası ilə jurnalisti məhkəməyə vermişdi. Nəticədə jurnalistə bir il şərti həbs cəzası kəsilmişdi.

Günün bütün mövzuları

XS
SM
MD
LG