Keçid linkləri

Təcili xəbərlər
2018, 19 Dekabr, çərşənbə, Bakı vaxtı 06:57

Azərbaycan 140-a yaxın pambıqyığan kombayn alır


İmişlidə pambıq yığımı (arxiv fotosu)

Yaxın günlərdə Amerikanın "John Deere" şirkətinin Avropa bölməsi Azərbaycana 140-a yaxın pambıqyığan kombayn tədarük edəcək.

"John Deere" şirkətinin regional nümayəndəsi Maximilian Pauge bu gün, iyulun 27-də kənd təsərrüfatı naziri Heydər Əsədovla görüşündə bu haqda məlumat verib.

Alınan texnikanın dəqiq sayı və müqavilənin qiyməti barədə məlumat verilmir.

Buna da bax:​ Ötənilkindən 70% çox – 38,8 min ton pambıq yığılıb

Nazir H.Əsədov görüşdə kombaynların pambıq yığımı mövsümünün başlanmasına qədər respublikaya gətirilməsinin vacibliyini şirkət nümayəndələrinin diqqətinə çatdırıb.

Bundan başqa, H.Əsədov deyib ki, servis xidmətinin yaradılmasını, kadr hazırlığı və kadrların şirkətdə təcrübə keçməsini məqsədəuyğun hesab edir.

Bu il Azərbaycanda 136 min ha sahədə pambıq əkilib. Bu ötən illə müqayisədə çoxdur. Azərbaycanda məhsul əsasən əllə yığılır. Ötən il bu prosesə müəllimlərin, həkimlərin və büdcə təşkilatlarında çalışan digər işçilərin cəlb edildiyi bildirilirdi.

Buna da bax: Ölkəyə yeni, ABŞ istehsallı pambıqyığan kombaynlar gətirilir

Müxalifət bu prosesi Azərbaycanın sovet dövrünə qayıdışı adlandırmışdı. Hakimiyyətin kursunu müdafiə edən bəzi şəxslər isə bunu insanların əlavə gəlir əldə etmək imkanı sayırdılar. Hüquqşünaslar isə bunun Azərbaycan qanunvericiliyinə zidd olduğunu bildirirdilər.

Günün bütün mövzuları

XS
SM
MD
LG