İyulun 19-u Bakı və Abşeron yarımadasında havanın günəşli olacağı şərq, cənub-şərq küləyinin əsəcəyi bildirilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 22-25, gündüz 34-39, Bakıda gecə 23-25, gündüz 37-39 dərəcə isti olacaq.
Azərbaycanın rayonlarında da yağıntı gözlənilmir. Gecə 20-25, gündüz 35-40, dağlarda gecə 15-20, gündüz 25-30 dərəcə isti təxmin edilir.
Departament bildirir ki, iyulun 19-dan 23-ə kimi ölkə ərazisində hava isti keçəcək.
Aran rayonlarının bəzi yerlərində temperatur 42 dərəcəyə yüksələcək.