Keçid linkləri

Təcili xəbərlər
2018, 22 Fevral, Cümə axşamı, Bakı vaxtı 20:42

Yunusların məcburi gətirilməsi üçün daha bir ay vaxt verildi


Arif və Leyla Yunus

Sülh və Demokratiya İnstitutunun direktoru Leyla Yunus və həyat yoldaşı, tarixçi Arif Yunusun məhkəməyə məcburi gətirilməsi üçün daha bir ay vaxt verilib.

Bakı Apellyasiya Məhkəməsində Yunusların işinə baxan hakim Mirpaşa Hüseynov bu haqda məlumat verib.

Buna da bax: Məhkəmə Yunuslarla bağlı polisdən cavab gözləyir

Yunuslar haqqında məcburi gətirilmə qərarı mayın 17-də çıxarılıb və icrası Yasamal Rayon Polis İdarəsinə həvalə olunub. Amma üstündən iki ay keçsə də, polis idarəsindən məhkəməyə bu məsələ ilə əlaqədar heç bir cavab gəlməyib.

Yunusların vəkili Elçin Sadıqov məhkəmədən məcburi gətirilmə qərarının surətini istəyib. Hakim bildirib ki, bundan ötrü vəkil Bakı Apellyasiya Məhkəməsinin rəhbərliyinə rəsmi məktubla müraciət etməlidir.

Yunusların məcburi gətirilməsi ilə bağlı polis idarəsindən cavab almaq məqsədilə məhkəmə avqustun 9-na qədər təxirə salınıb.

Buna da bax: 'İnterpol bizi Bakıya verməyəcək' - Arif Yunus

Leyla və Arif Yunuslar 2014-cü ilin iyununda həbs olunublar. 2015-ci ilin avqustunda Bakı Ağır Cinayətlər Məhkəməsinin hökmü ilə Leyla Yunus 8 il 6 ay, Arif Yunus isə 7 il azadlıqdan məhrum edilib. Həmin ilin dekabrında Bakı Apellyasiya Məhkəməsi hökmü dəyişib, Yunuslar şərti cəza ilə həbsdən buraxılıb. Sağlıq problemləri olan Yunusların müalicə məqsədi ilə xaricə getməsinə icazə verilib. Sonradan Ali Məhkəmə apellyasiya instansiyasının bu qərarını ləğv edib və iş yenidən baxılması üçün Bakı Apellyasiya Məhkəməsinə qaytarılıb.

Günün bütün mövzuları

XS
SM
MD
LG