Keçid linkləri

Təcili xəbərlər
2021, 09 Mart, çərşənbə axşamı, Bakı vaxtı 06:12

ABŞ Əfqanıstana 4 min əsgər göndərəcək


Əfqanıstanda Amerika ordusu

ABŞ administrasiyasının rəsmisi Pentaqonun Əfqanıstana 4 minədək əlavə əsgər göndərəcəyini deyir. Adı çəkilməyən rəsmi iyunun 15-də bildirib ki, bu qərar gələn həftənin əvvəlində açıqlana bilər.

Xəbəri «The Associated Press» agentliyi yayıb.

Məlumata görə, bu qüvvə, əsasən, əfqan qüvvələrinə təlim keçəcək, kiçik bir hissəsi «Taliban» və «İslam Dövləti» (İŞİD) qruplaşmasına qarşı əməliyyatlara cəlb olunacaq.

Pentaqonun sözçüsü isə bu haqda qərar verilmədiyini bildirib.

ABŞ-ın müdafiə naziri Jim Mattis iyunun 15-də Konqresdə deyirdi ki, prezident Donald Trump ona Əfqanıstanda hərbçi sayını müəyyənləşdirmək səlahiyyəti verib. Daha sonra media Mattis-in əlavə 3-5 min əsgər göndərməyi tövsiyə edəcəyini yazdı.

XS
SM
MD
LG