Keçid linkləri

Təcili xəbərlər
2018, 23 İyul, Bazar ertəsi, Bakı vaxtı 09:53

ABŞ-la Yaponiya Şimali Koreya yaxınlığında birgə hərbi təlimə başlayıblar


Foto arxiv

ABŞ-la Yaponiyanın hərbi gəmiləri Sakit Okeanın qərbində-Şimali Koreya yaxınlığında birgə hərbi təlimlərə başlayıblar.

Qeyd edək ki, təlim məşqləri ABŞ-ın raket gəmilərindən ibarət zərbə qrupunun bu günlərdə Şimali Koreyaya yaxınlaşması fonunda keçirilir.

Hazırkı təlimdə Yaponiyadan 2 raket gəmisi, həmçinin ABŞ-ın “Karl Vinson” raket gəmisi iştirak edir.

“Karl Vinson” gəmisi Avstraliyaya getməli idi, amma son günlər Şimali Koreyanın yeni raket sınaqları keçirməsinə görə, ona Koreya yarımadasına dönmək əmr olundu.

Yaponiya rəsmilərinin sözlərinə görə, ölkənin raket gəmiləri ABŞ-ın “Karl Vinson” gəmisi ilə müxtəlif taktiki tapşırıqları yerinə yetirəcəklər.

Reutersin məlumatına görə, Yaponiya gəmiləri “Karl Vinson” gəmisini şimala, azı Şərqi Çin dənizinədək müşaiyət edəcəklər.

Şimali Koreya aprelin 25-də Koreya Xalq Ordusu-nun 85 illiyini qeyd etməyə hazırlaşır.

Pxenyan adətən bu cür tədbirlərdə özünün hərbi gücünü nümayiş etdirir, yeni sınaqlar keçirir.

Günün bütün mövzuları

XS
SM
MD
LG