Keçid linkləri

2017, 21 Avqust, Bazar ertəsi, Bakı vaxtı 16:09

Türkiyə və Rusiya prezidentləri görüşürlər


R.T.Erdoğan və V.Putin

Bu gün—martın 10-da Moskvada Türkiyə prezidenti Recep Tayyip Erdoğan-la Rusiya prezidenti Vladimir Putin-in görüşü keçirilir. Kremlin sözçüsü Dmitry Peskov görüşün gündəliyinin mümkün qədər geniş olacağını bildirib, «Bu, böhran dövrünü yaşamış münasibətlərin normallaşması prosesinin davamıdır», - deyib.

Türkiyəylə Rusiyanın münasibətlərində son iki ildə kəskin dəyişikliklər olub. Suriya münaqişəsində onlar qarşı tərəfləri müdafiə ediblər. 2015-ci ilin noyabrında türklərin rus təyyarəsini vurması münasibətləri son dərəcə gərmişdi. Amma indi tərəflər Suriyada birgə siyasət yeridir, bəzən hətta birgə əməliyyatlar keçirirlər.

Bəzi analitiklərin fikrincə, Qərblə münasibətləri soyuyan R.T.Erdoğan-ın Moskva səfəri onun Kremllə yaxınlaşmasına xidmət edir.

Mətbuatın yazdığına görə, Moskvada Türkiyənin Rusiyadan S-400 raket sistemini almasıyla bağlı danışıqlar olacaq, Türkiyədə Akkuyu atom elektrik stansiyasının tikintisi, «Türk axını» adlanan təbii qaz kəmərinin inşası məsələlərinə baxılacaq.

Günün bütün mövzuları

XS
SM
MD
LG