Əsasən tarixi mövzularda filmlər çəkən İran Azərbaycanından olan rejissor Möhsün Hadinin növbəti filmi Qarabağ müharibəsindən bəhs edir. "Arazın dayaz günü" adlanan sənədli filmin çəkilişləri əsasən Bakıda aparılıb.
Filmin təqdimatı Xocalı soyqırımının ildönümü ərəfəsində Təbrizdə, bələdiyyə binasında baş tutub. Filmin təqdimatında Azərbaycandan qonaqlar, həmçinin təbrizli milli fəallar və elm adamları iştirak ediblər.
Buna da bax: İranlı rejissor Möhsün Hadi Tehran məzarlığındakı Qarabağ şəhidlərindən film çəkir
Möhsün Hadi Oxu Zalına deyib ki, 70 dəqiqəlik film Qarabağın işğalından, müharibə dövründə Zəngilanda baş verənlərdən, Xocalı faciəsindən, İrandan olan Qarabağ şəhidlərindən, müharibə dövründə İran-Azərbaycan münasibətləri əks olunub.
