Keçid linkləri

Təcili xəbərlər
2018, 25 İyun, Bazar ertəsi, Bakı vaxtı 08:01

REAL Hərəkatının İdarə Heyətinin üzvü Erkin Qədirli yanvarın 31-də Baş Prokurorluğun Ağır Cinayətlərə Dair İşlər üzrə İstintaq İdarəsində dindirilib.

Bu haqda AzadlıqRadiosuna E.Qədrili özü bildirib.

O deyib ki, dindirilmə iki saatdan çox çəkib: «Bütün suallar İranın Azərbaycandakı səfirliyinin əməkdaşının yanvarın 19-da REAL-ın ofisinə gəlməsi ilə bağlı idi. Yəni, hərəkatın təmsilçilərindən Azər Qasımlıya, Natiq Cəfərliyə verilmiş suallar mənə də verildi».

E.Qədirli ümumilikdə dindirilmələrə münasibət də bildirib: «Sadəcə olaraq, bizə təzyiq edirlər. Öz aləmlərində bizə göstərmək istəyirlər ki, hansısa həddi keçmişik».

REAL rəhbərliyindən Azər Qasımlı isə bu gün, yanvarın 31-i saat 13 radələrində prokurorluğa gedib. O, yenidən ifadəyə çağırılıb. A.Qasımlı bundan əvvəl yanvarın 29-u prokurorluqda 5 saat dindirilmişdi. Bu dəfə isə vəkil Elçin Sadıqov onun dindirilməsinə buraxılmayıb.

“İran əməkdaşı ilə görüşümüzə dair 5 saat sual verdi”
Gözlə

No media source currently available

0:00 0:01:41 0:00

XATIRLATMA

Yanvarın 27-də virtualaz.org saytında Eynulla Fətullayevin imzası ilə «İran xəfiyyəsi Bakıda İlqar Məmmədovun adamları ilə görüşdü, REAL-a pul ayırdı» başlıqlı məqalə dərc edilmişdi.

Məqalədə yanvarın 19-da İranın Azərbaycandakı səfirinin ikinci katibi Mehdi Arefzadeh-nin REAL Hərəkatı rəhbərləri ilə görüşündən bəhs edilirdi. İddia olunurdu ki, görüşdə gizli sövdələşmə olub, İran səfirliyinin nümayəndəsi REAL Hərəkatına pul verib. «REAL İrandan ilk maliyyə yardımını qəbul edib! Bax bu, nəinki müxalif milli-demokratlar, eləcə də liberalyönümlü müxalifət üçün inkişaf mərhələsində yeni dönüşdür», - məqalədə yazılırdı.

REAL rəhbərliyi isə bunu onlara növbəti əsasız təzyiq kampaniyası kimi dəyərləndirmişdi.

Bunun ardınca da baş prokuror Zakir Qaralovun tapşırığına əsasən, bu məsələ ilə bağlı araşdırmalara başlandığı bildirilirdi.

Günün bütün mövzuları

XS
SM
MD
LG