AZƏRTACın verdiyi xəbərə görə, “Ləndmark” biznes-mərkəzində gerçəkləşəcək festival Yaponiyanın Azərbaycandakı səfirliyinin təşkilatçılığı ilə reallaşıb.
Yaponiyanın Azərbaycandakı səfiri Tsuquo Takahaşi deyib ki, səfirlik tərəfindən hər il ənənəvi olaraq Bakıda Yaponiya filmləri festivalı təşkil olunur. İnanırıq ki, ötən illərdə olduğu kimi bu dəfə də kinosevərlər yanvarın 29-dək davam edəcək festivaldan zövq alacaqlar. Festival Azərbaycan xalqına Yaponiya mədəniyyəti və yaponların düşünmə tərzini daha dərindən tanıtmaq üçün gözəl fürsət yaradacaq və iki millət arasında daha yaxşı qarşılıqlı anlaşmanın qurulmasını təmin edəcəkdir.
Buna da bax: Bütün filmlərində öz həyatını oynayan Takeshi Kitano kinoda necə yaşayır...
Festival çərçivəsində 5 yapon filmi - “Məktub”, “Pekorosun anası ilə görüş”, “Kaitan şəhərinin əhvalatları”, “Sən yaxşı uşaqsan” və “Çevrəmizdəkilər” nümayiş olunacaq. Filmlər hər gün 3 seans olmaqla təqdim ediləcək.