Keçid linkləri

Təcili xəbərlər
2020, 01 Oktyabr, Cümə axşamı, Bakı vaxtı 00:53

'Sovetski' tərəfdə yanan bina söndürülüb [video]


Sovetskidə yanğın. Ölən var
Gözlə

No media source currently available

0:00 0:01:38 0:00

Sovetskidə yanğın. Ölən var

Yanvarın 27-si axşam saatlarında Bakıda, “Sovetski” deyilən ərazidə güclü yanğın başlayıb.

Yanğının Şahmat məktəbinin yaxınlığındakı binalardan birində baş verdiyi bildirilir. 3 mərtəbəli yaşayış binasında başlayan yanğının miqyasının getdikcə böyüdüyü deyilir.

Yanğının güclənməsində səbəb həmin binanın taxta konstruksiyalardan ibarət olması göstərilir.

Buna da bax:​ Bakıda daha 300-ə yaxın obyekt sökülür

Fövqəladə Hallar Nazirliyinin məlumatında bildirilir ki, yanğın yerinə 10 yanğınsöndürən maşını və çox sayda canlı qüvvə cəlb olunub.

* * *

Yanğında bir qadın tüstüdən zəhərlənib

APA-nın verdiyi xəbərə görə, yanğın hadisəsi Yasamal rayonu, Həzi Aslanov küçəsində yerləşən üçmərtəbəli yaşayış binasında qeydə alınıb.

Buna da bax: Yer üzündən silinən məhəllə – 'Sovetski'

Yanğın binadakı mənzillərdən ikisini əhatə edib. Hadisə yerində olan təcilli tibbi yardım briqadasının həkimləri tüstüdən zəhərlənən qadına ilkin tibbi yardım göstəriblər. Qadının vəziyyəti sabitləşib.

Yanğının söndürülməsi istiqamətində tədbirlər davam etdirilir.

* * *

Yanğında 1 nəfər ölüb

Bakıda yaşayış binasında baş verən yanğında bir nəfərin öldüyü bildirilir.

APA-nın hadisə yerində olan əməkdaşının verdiyi məlumata görə, ölən şəxs yanğın baş verən mənzillərdən birinin sakini, 49 yaşlı Liliya Mixaylovna Xazibovadır.

Yanğın zamanı tüstüdən zəhərlənən başqa bir qadına - 1935-ci il təvəllüdlü Raisa Abutalıbovaya təcilli tibbi yardım briqadasının həkimləri yardım göstəriblər. Qadının vəziyyəti sabitləşib.

* * *

Yanğın söndürülüb.

“Sovetski”də baş verən yanğının qarşısı alınıb. APA-nın xəbərinə görə, artıq yanğın tamamilə söndürülüb.

Fövqəladə Hallar Nazirliyinin yaydığı məlumatda isə yanan binadan 3 nəfərin çıxarıldığı bildirilir.

Yanğın nəticəsində bir nəfərin öldüyü, bir nəfərin də xəsarət aldığı qeyd edilir.

Multimedia

XS
SM
MD
LG