Keçid linkləri

Təcili xəbərlər
2020, 01 Oktyabr, Cümə axşamı, Bakı vaxtı 22:59

Ötən il velosiped də bahalaşıb, avtomobil də


İlham Əliyev İsmayıllıda velosiped zavodunun açılışında.

Ötən il Azərbaycanda əksər istehsal məhsulu və xidmətlərin qiyməti artıb.

Dövlət Statistika Komitəsinin (DSK) məlumatına görə, 2016-cı ilin dekabrında qeyri-ərzaq məhsullarının qiymətləri noyabr ayına nisbətən 2.2 faiz bahalaşıb. 2016-cı ildə isə 2015-ci illə müqayisədə 16.7 faiz bahalaşma baş verib.

Beləliklə, inflyasiya səbətinə daxil olan ərzaq, qeyri-ərzaq və xidmətlərin dəyəri artıb.

NƏ NƏ QƏDƏR BAHALAŞIB

Parçalar 17.9, geyim 14.2, ayaqqabı 12, inşaat materialları 16.4, mebel və ev əşyaları 11.2 faiz bahalaşıb.

Bundan başqa, xalça, digər döşəmə örtüklərinin 23.6, məişət cihazlarının 27.1, kiçik elektrik cihazlarının 28.3, şüşə məmulatları, yemək qabları və əşyalarının da 21.8 faiz bahalaşdığı bildirilir.

Evə qulluqda lazım olan məhsulların (mebellərə qulluq etmək, unitaz və vannaların təmizlənməsi, qabların yuyulması üçün vasitələr) da27.8 faiz bahalaşdığı deyilir.

Habelə, müalicə ləvazimatları 15, minik avtomobilləri 10.3, velosipedlər 20.4, minik avtomobillərinin ehtiyat hissələri 29.8, telefon aparatları 17.8, foto-kino avadanlıqları və optik cihazlar da 19.8 faiz bahalaşıb.

DİGƏR BAHALAŞMA...

Məlumatın işlənməsindən ötrü avadanlıqlar (kalkulyator, fərdi kompyuter, noutbuk, planşet) – 22.9 faiz

Oyuncaqlar – 15.4 faiz

Açıq havada idmanla, turizmlə məşğul olmaq və istirahət etməkdən ötrü əşyalar – 11.6 faiz

Ev heyvanlarına yemlər- 23.9 faiz

Kitablar – 4.1 faiz

Qəzetlər və dövri nəşrlər – 4.7 faiz

Dəftərxanaləvazimatları – 26.1 faiz

Şəxsi gigiyena əşyaları, fenlər – 23.3 faiz

Zərgərlik məmulatları – 28.6 faiz

Multimedia

XS
SM
MD
LG