Keçid linkləri

Təcili xəbərlər
2020, 29 Sentyabr, çərşənbə axşamı, Bakı vaxtı 11:28

Almaniya miqrantları deportasiya edir


Almaniyada qaçqınlar.

Almaniya sığınacaq verməkdən imtina etdiyi ilk 50 qaçqını deportasiya edib. Ölkədən qovulan miqrantların çoxu əfqanlardır. Onların müraciəti kansler Angela Merkel-in basqısıyla rədd edilib.

Qaçqınların müdafiəçilərinin dediyinə görə onların göndərildiyi Frankfurt hava limanına yüzlərlə adam toplanıb, deportasiyaya etirazlarını bildiriblər.

Keçən il Almaniya çoxu Əfqanıstan, Suriya və İraqdan olan 890 min miqrantı qəbul edib.

Suriyadan gələnlər vətəndaş müharibəsindən qaçdıqlarından onların müraciətlərinə daha tez cavab verilir. Balkanlardan gələn və yoxsulluqdan qurtarmaq istəyən miqrantların cavabları yubadılır. Əfqanlar isə Almaniyanın bəzi regionlarında təhlükəli hesab edildiyindən onlara münasibət fərqlidir.

Müraciətləri rədd edilən əfqanlar öz xoşlarıyla qayıtmaq istəmədiyindən Berlin Kabillə onların deportasiyası haqda razılaşma əldə edib.

İndiyə qədər Almaniyadan 68 əfqanı deportasiya ediblər. 12 min 500 əfqana ölkədən çıxmaq barədə göstəriş verilib.

XS
SM
MD
LG