Keçid linkləri

Təcili xəbərlər
2020, 27 Sentyabr, bazar, Bakı vaxtı 23:57

ABŞ Seçici Kollegiyası bilgi istəyir


D.Trump-ın seçki plakatı.

ABŞ-ın Seçici Kollegiyası Rusiyanın seçkiyə müdaxiləsiylə bağlı təlimatlandırma istəyir.

Dekabrın 19-da Kollegiya yeni seçilmiş prezident Donald Trump-ın vəzifəsini təsdiqləməlidir. Kollegiyanın 10 üzvü—bir respublikaçı və 9 demokrat səsvermədən əvvəl ABŞ Mərkəzi Kəşfiyyat İdarəsinin (CIA) rəyi barədə onlara detallı bilgi verilməsini istəyib.

CIA-in məlumatına görə, rus hakerlər demokratların namizədi Hillary Clinton-un kampaniyasını sarsıtmaq, D.Trump-ın qələbəsini təmin etməyə çalışıblar.

Seçici Kollegiyasının Milli Kəşfiyyat İdarəsinin rəhbəri James Clapper-ə ünvanladığı açıq məktubda deyilir ki, seçicilər ittihamların nə dərəcədə əsaslı və güclü olduğunu, bu istiqamətdə araşdırmaların davam edib-etmədiyini bilmək istəyirlər.

Adətən Seçici Kollegiyası ştatlardan gələn seçki nəticələrini təsdiqləyir. Amma ABŞ konstitusiyası seçicilərə nəticələri sual altında qoyan fövqəladə faktorları nəzərə almaq ixtiyarı verir.

Şərhlər (1)

Bu forum dayandırılıb
XS
SM
MD
LG