Dini Qurumlarla İş üzrə Dövlət Komitəsi, Daxili İşlər Nazirliyi ilə birgə dini təyinatlı ədəbiyyatın, mal və məmulatların satışı ilə məşğul olan 9 mağazada reyd keçirib.
Reydlər Bakı şəhərinin Sabunçu, Nizami, Xətai, Nəsimi və Suraxanı rayonlarını əhatə edib.
Dini Qurumlarla İş üzrə Dövlət Komitəsinin məlumatına görə, baxış keçirilən mağazalardan 8-nin ixtisaslaşdırılmış məntəqəsi olmadan dini təyinatlı ədəbiyyat, mal və məmulatların satışı ilə məşğul olduğu aşkarlanıb.
Buna da bax: 400-dək dini kitab sərhəddə saxlanıb
Bununla yanaşı, içərisində uyğun razılığı olmayan, nəzarət markası vurulmayan 421 dini ədəbiyyat, 13 DVD və 5 CD-nin müəyyən edilərək götürüldüyü bildirilir.
Qanun pozuntularının aşkarlandığı bildirilən mağazaların adları açıqlanmayıb.
Həmin mağazaların tutulan iradlara münasibəti də, hələlik, ictimaiyyətə bəlli deyil.
