Keçid linkləri

2024, 29 Mart, Cümə, Bakı vaxtı 19:20

Deputatlar 'Avronest'ə gedir


Azərbaycan Parlamenti
Azərbaycan Parlamenti

Oktyabrın 31-də və noyabrın 1-də Avronest Parlament Assambleyasının siyasi məsələlər, insan hüquqları və demokratiya, sosial məsələlər, təhsil, mədəniyyət və vətəndaş cəmiyyəti komitələrinin iclasları keçiriləcək.

Azərbaycan uzun fasilədən sonra yenidən Avronest-in toplantılarına qatılacaq.

Bu haqda Milli Məclisin mətbuat xidməti xəbər verir.

Toplantıda Azərbaycanı deputatlar Rasim Musabəyov və Məlahət İbrahimqızı təmsil edəcək.

Buna da bax: Azərbaycan qapısını çırpdığı 'Avronest'ə geri dönür

Avronest-də Avropa Birliyi və Şərqi Avropanın tərəfdaş ölkələrində media azadlığının, əmək bazarında qadınların durumu əsas müzakirə mövzusu olacaq. Komitələrin 2017-ci il üçün fəaliyyət planı və digər məsələlər də toplantı zamanı razılaşdırılacaq.

2015-ci ilin sentyabrında Avropa Parlamenti Azərbaycanla bağlı sərt tənqidi məzmunda qətnamə qəbul etmişdi. Həmin sənəddə əsas insan hüquq və azadlıqlarının pozulmasından, ictimai siyasi fəalların təqibindən, jurnalist ölümündən bəhs edilirdi.

Qətnamədə Əliyevlər ailəsinin var-dövləti, həmin var-dövlətin mənbələrinin araşdırılmaması haqda deyilənlər Azərbaycan rəsmilərinin xüsusilə sərt reaksiya ilə qarşılanmışdı.

Buna da bax: Avropa Birliyi parlamentin 'Avronest' qərarına şaddır

Qətnamənin qəbul edilməsindən sonra Azərbaycan parlamenti “Avronest”dən çıxmaqla bağlı prosedurların başlanmasına qərar vermişdi. Milli Məclisin sözügedən qərar qəbul edilən iclasında Avropa Parlamentinin ünvanına rəsmi səviyyədə kəskin ittihamlar səslənmişdi.

Ancaq bu il sentyabrın 30-da ölkə parlamenti Avronest-ə yenidən geri dönməyə qərar verib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG