«İslam Dövləti» (İŞİD) qruplaşmasının əsas liderlərindən biri – Vail Adil Hasan Suriyada öldürülüb.
ABŞ Müdafiə Nazirliyi açıqlama yayıb.
Pentaqonun sözçüsü Peter Cook bildirib ki, Vail Adil Hasan Selman El Fayad sentyabrın 7-də Rakkada həyata keçirilən hücum zamanı öldürülüb.
Vail İŞİD-in informasiya naziri və əsas liderlərindən biri sayılırdı.
«O, İŞİD-in işgəncə və edam videolarını hazırlatdırıb yayımına rəhbərlik edirmiş».
Vail-in keçən həftə öldürülmüş İŞİD-in sözçüsü Muhammed El Adnani ilə yaxın işbirliyində olduğu bildirilir.