Sentyabrın 16-sı Bakı və Abşeron yarımadasında havanın buludlu olacağı, arabir yağış yağacağı bildirilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 18-21, gündüz 24-26, Bakıda gecə 19-21, gündüz 24-26 dərəcə isti olacaq.
Sentyabrın 16-da Azərbaycanın rayonlarında da şimşək çaxacağı, arabir yağış yağacağı qeyd edilir. Bəzi yerlərdə yağıntının intensiv olacağı, dağlıq ərazilərdə dolu düşəcəyi ehtimal edilir. Gecə 15-20, gündüz 23-27, dağlarda gecə 7-12, gündüz 12-17 dərəcə isti olacağı təxmin edilir