İranlı rejissor Hadi Mohammed-in «Ölməz» filmi Kazan kinofestivalının qalibi elan olunub.
Filmin operatoru Razubek Raykha isə ən yaxşı operator işinə görə mükafatlandırılıb.
Ən yaxşı qadın roluna görə əslən monqol aktrisa Badem birinci yerə layiq görülüb. O, Çinin «Norjmaa» filmində çəkilib. Bu aktrisa Rusiyada Nikita Mikhalkov-un «Urqa-məhəbbət ərazisi» filmindəki roluna görə tanınıb.
«Ən yaxşı kişi» nominasiyasında malayziyalı rejissor Tunka Moni Riza-nın «İtaət» filmində çəkilmiş iki gənc mükafatlandırılıb. Bu film festivalın ən titullu filmi sayılıb, Tatarıstan prezidentinin və kinotənqidçilərin «Ağ fil» mükafatını alıb.