Dünya birjalarında neftin qiyməti müxtəlif istiqamətlərdə dəyişib.
Nyu-Yorkun NYMEX (New York Mercantile Exchange) birjasında «Layt» markalı neftin bir barrelinin qiymətinin 1.54 dollar ucuzlaşdığı bildirilir. Hazırda «Layt» markalı neftin 43.16 dollara satıldığı açıqlanıb.
Londonun ICE (InterContinental Exchange Futures) birjasında «Brent» markalı neftin bir barrelinin qiyməti isə cüzi bahalaşıb. «Brent» nefti 47.05 dollar olub.
AZƏRTAC xəbər verir ki, «AzəriLayt» markalı neftin bir barrelinin qiyməti isə 1.50 dollar ucuzlaşıb. Azərbaycan nefti 46.41 dollara satılır.