Azərbaycan xarici işlər naziri Elmar Məmmədyarov Türkiyədə baş vermiş hadisələrlə bağlı türkiyəli həmkarı Mevlüt Çavuşoğlu ilə telefonla danışıb.
Xəbəri Xarici İşlər Nazirliyi yayıb.
E.Məmmədyarov Türkiyə xalqının demokratik yolla seçdiyi hökumətə qarşı çevriliş cəhdini pisləyib. Türkiyə xalqının demokratik yolla seçilmiş hakimiyyəti dəstəklədiyini, hökumətlə həmrəy olaraq bu çevriliş cəhdinə qarşı qəti əzm nümayiş etdirdiyini vurğulayıb.
E.Məmmədyarov Azərbaycanın hər zaman Türkiyənin yanında olduğunu da bildirib.
İyulun 16-a keçən gecə Türkiyədə bir qrup hərbçi dövlət çevrilişinə cəhd edib. 160-dan çox adam həlak olub, 1500-dək adam yaralanıb.