Keçid linkləri

2017, 22 Noyabr, çərşənbə, Bakı vaxtı 15:20

«Nardaran hadisələri» ilə bağlı həbs uzadıldı


Foto arxiv

Nəsimi Rayon Məhkəməsində Nardaran hadisələri ilə bağlı Lənkəranda tutulan Elman Ağayevin həbs müddəti artırılıb.

«Report» bu xəbəri E.Ağayevin vəkilinə istinadən yayıb.

E.Ağayev barəsində seçilən həbs-qətimkan tədbiri 3 ay 25 gün müddətinə uzadılıb.

Daxili İşlər Nazirliyi 2015-ci il noyabrın 26-da Bakının Nardaran qəsəbəsində xüsusi əməliyyat keçirib. Əməliyyat zamanı 2-si polis, 4-ü mülki şəxs olmaqla, 6 nəfər həyatını itirib.

Daha sonra kütləvi həbslər başlanıb. Bu həbslər zamanı «Müsəlman Birliyi» Hərəkatını sədri Tale Bağırov və xeyli tərəfdarı həbs ediliblər. Ölkə prokurorluğu Nardaran hadisələri ilə bağlı 70-dən çox şəxsin həbs edildiyini bildirib.

Onlara qarşı terrorçuluğun təşkili, qanunsuz silah saxlama kimi ağır ittihamlar irəli sürülüb.

Günün bütün mövzuları

XS
SM
MD
LG