İyulun 13-də paytaxt Bakıda və Abşeronda hava küləkli olacaq.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatında belə deyilir.
Gecə 20-22, gündüz 27-29 dərəcə isti olacağı gözlənilir.
Abşeron çimərliklərində dəniz suyunun temperaturunun 19-23 dərəcə arasında olacağı deyilir.
İyulun 13-də ölkənin rayonlarında hava şəraiti, əsasən, yağmursuz olacaq. Ancaq gecə və səhər bəzi dağlıq ərazilərdə şimşək çaxacağı, qısamüddətli yağış yağacağı ehtimalı var.
Gecə 17-22, gündüz 28-32, dağlarda gecə 10-15, gündüz 18-23 dərəcə isti proqnozlaşdırılır.