Keçid linkləri

2024, 29 Mart, Cümə, Bakı vaxtı 04:15

Bu dəfə rus azarkeşlər dinc durmayıb


Marseille. Rus fanatlarla ingilis fanatları arasında dava, 11 iyun, 2016
Marseille. Rus fanatlarla ingilis fanatları arasında dava, 11 iyun, 2016

İyunun 11-də Rusiya-İngiltərə futbol yığmalarının qarşılaşmasından sonra tərəfdarlar arasında qarşıdurma olub. Rus azarkeşlər ingilislərə hücum ediblər. Hadisə oyunun keçirildiyi Fransanın cənub şəhəri Marseldə baş verib.

Avropa 2016 çempionatı çərçivəsində keçirilən qarşılaşmada oyun 1-1 hesabı ilə başa çatıb. Bundan sonra rus tərəfdarlar təhlükəsizlik baryerlərini aşaraq ingilislərin olduğu sektora adlamaq istəyiblər.

UEFA rəhbərliyi bildirib ki, zorakılığa görə Rusiya tərəf ciddi sanksiyalarla üzləşə bilər. Qurum bəyan edib ki, Marseldə baş verənləri qətiyyətlə pisləyir və bu cür zorakı hadisələrdə iştirak edənlərə futbolda yer yoxdur. UEFA bildirir ki, hakimlər 2012-ci ildə Polşada keçirilən Avropa çempionatında rus fanatların təhlükəsizlik xidmətinin əməkdaşlarına hücumunu da nəzərə ala bilər.

Marseldə son 3 gündə ingilis və rus azarkeşlər arasındakı qarşıdurmalar nəticəsində 30-dan artıq adam xəstəxanaya yerləşdirilib. Xəsarət alanlardan biri, 50 yaşlı ingilis azarkeşin vəziyyətinin ağır olduğu bildirilir.

Bir neçə adam həbs edilib.

Şəhərə 70 min ingilis və rus fanat gəlib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG