Bağdadda partlayış, ölənlər var

İraqın paytaxtı Bağdadda törədilən iki partlayışda 50-ə yaxın adam ölüb, 100-ə yaxın adamsa yaralanıb.

Mayın 17-də Al Şaab rayonundakı bazarda törədilən partlayışda 38 nəfər ölüb, 70-dəm çox adamsa yaralanıb.

İlkin məlumatlara görə partlayışı intiharçı qadın törədib.

Bu rayonda əsasən şiələr yaşayır.

Əl Rəşid rayonunda maşının partladılması nəticəsində isə 6 nəfər ölüb, 21 adam yaralanıb.

Hücuma görə cavabdehliyi hələlik heç kim üzərinə götürməyib.

Amma adətən bu cür hücumları “İslam dövləti” qrupu törədir.

Hazırda İraqın bir sıra əraziləri bu qrupun nəzarətindədir.