XİN sözçüsü rəqs etdi
Rusiya xarici işlər nazirliyinin sözçüsü Maria Zakharova ASEAN ölkələrinin Soçi sammitində “Kalinka” rəqsini oynayıb. Bu, mətbuat üçün təşkil edilmiş təntənəli şam yeməyində olub..
Rusiya agentliklərinin məlumatına görə, sammiti müxtəlif ölkələrdən 850-ə yaxın jurnalist işıqlandırır.
Zakharova TASS agentliyinə bildirib ki, jurnalistlərə sevimli rəqsini ifa edəcəyini vəd edibmiş və sözünün üstündə durub.
Ermənistan 797 xidməti maşını ixtisara salır
Ermənistan hökuməti 797 xidməti maşını ixtisar edir. Hazırda belə xidməti maşınların sayı 1100-dür.
Bu 1100 maşını saxlamaq dövlətə ildə 2 milyon dollara başa gəlir.
Bu qədər maşın lazımdırmı? Erməni medasiı yazır ki, büdcəsi Ermənistanınkından 60 dəfə böyük olan Danimarkada dövlət hesabına saxlanan cəmi 23 xidməti maşın var.
Azərbaycanda neçə belə xidməti maşın var?
Türkmən Məclisinin sədri Abdurrahman Mustafa AzadlıqRadiosuna danışır
“Mayın 18-də Assad rejiminin hücumlarında 4 türkmən döyüşçü həlak oldu. Bu gün Homsun, Hamanın türkmən kəndləri də rejimin bombardmanlarına məruz qalıb. Mayın 19-da Homsda bir türkmən ailəsindən 13 dinc şəxs ölüb”
Fevralın 27-də Suriyada atəşkəs razılığı əldə olunsa da, qanlı toqquşmalar davam edir. Rəsmən elan olunmuş atəşkəsə baxmayaraq, ən çox qanlı döyüşlər haqqında xəbərlər türkmənlərin də sıx yaşadığı Hələbdən gəlir. Son bir neçə gündə türkmən bölgəsi olan Türkmən dağında da döyüşlər şiddətlənib.
Suriya Türkmən Məclisinin sədri Abdurrahman Mustafa AzadlıqRadiosuna bölgədəki son durumdan danışıb. "Ətraflı axşam saat 8-də AzadlıqLive-da Radioda:
Türkiyədə deputat toxunulmazlığı götürüldü
Türkiyə Böyük Millət Məclisində deputat toxunulmazlığının ləğvi ilə bağlı konstitusiyaya dəyişiklik təklifi 376 səslə qəbul edilib.
Yeni qanuna əsasən, haqqında prokurorluq orqanları tərəfindən cinayət işi açılan 138 deputatın toxunulmazlıq hüququ aradan qalxır.
Qəbul edilən qanundan sonra 41 HDP və 33 CHP millət vəkili barədə araşdırmalara başlanılacaq.