Prince dünyasını dəyişdi

-

Amerikalı pop ulduz Prince Minnesota ştatındakı evində ölü tapılıb.

Prince Rogers Nelson-un 57 yaşı vardı.

Meneceri Yvette Noel-Schure müğənninin aprelin 21-də dünyasını dəyişdiyini söyləyib.

Yerli şerifin bildirdiyinə görə, Prince liftdə tapılıb, evinə təcili yardım çağrılsa da, onu özünə gətirmək mümkün olmayıb.

Hələlik ölümün səbəbi bəlli deyil. Prince qripə yoluxduğundan aprelin 7-də Atlantada konsertini təxirə salmışdı.

Prezident Barack Obama bəyanatında deyib ki, həyat yoldaşı ilə birlikdə Prince-in qəfil ölümündən kədərlənən “milyonlarla pərəstişkarına qoşulur”.

Prince 1970-ci illərin sonlarında məşhurlaşıb. Amerika pop musiqisinin ulduzuna çevrilib.

Dünya üzrə onun 100 milyondan çox albomu satılıb. Grammy mükafatlarına layiq görülüb.