Bu günki AzadlıqLive-da:
Lavrov əliboş getmir, erməni tərəfi isə "qırmızı xətti"ni elan edir
Supermarketlər "batırıq" deyir
Evə gələn pulun 70 faizi yeməyə gedir
100 ildən çox dövrdə ilk dəfə dolların üstündə qadın portreti olacaq
İlqar Məmmədov məhkəməyə aparılır...Əşyaları ilə birlikdə
Həbsdə olan REAL hərəkatının sədri İlqar Məmmədovun məhkəməsi aprelin 22-də saat 14:30-da Şəki Apellyasiya Məhkəməsində olacaq.
Sabah keçiriləcək məhkəmə prosesi ilə bağlı musavat.com-a danışan REAL sədrinin həyat yoldaşı Vəfa Məmmədova deyib ki, " İlqar artıq Şəkiyə aparılıb. Əşyaları da özü ilə götürülüb."
KİV-lər bundan bir nəticə çıxarırlar ki. sabah İlqar Məmmədov azad oluna bilər.
Vəkil Fuad Ağayev da təsdqiləyib ki, İlqar Məmmədovun “ Şəkiyə aparılması, əşyalarının özü ilə götürülməsi doğrudur”.
Ergenekon: Türkiyə məhkəməsi 275 nəfərə qarşı ittihamı rədd etdi
Türkiyənin Apellyasiya məhkəməsi Ergenekon işi ilə bağlı 275 nəfərə qarşı dövlət çevrilişi ittihamını ləğv edib.
"Lavrov heç vaxt əliboş getmir"
Rusiya Xarici İşlər Nazirliyinin sözçüsü Mariya Zaxarova deyib ki, Rusiyanın xarici işlər naziri lavrovun Yerevanda müzakirələri aprelin 22-də başlayacaq:
“Sergey Lavrov heç vaxt heç yerə boş əllə getmir. Amma bunun hansısa plan və ya sənəd olduğunu deyə bilmərəm. Rusiyalı nazir tərəflərin fikrini öyrənməyə gedir. Rusiyanın vasitəçilik missiyasının mahiyyəti də məhz budur”
S. Lavrovun Ermənistandan sonra Azərbaycana gəlməsi gözlənilir.