74 nəfərdə QİÇS tapıldı
Son 10 ayda Azərbaycanda ailə qurmaq istəyən 117 min 500 nəfər müayinə edilib. Onlardan 74 nəfərdə QİÇS aşkar olunub.
Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva belə deyib.
Z.Əlimirzəyeva APA-ya bildirib ki, müayinə olunanların 6521-nin talassemiya daşıyıcı, 363 nəfərin isə sifilis xəstəsi olduğu aşkarlanıb.
AŞPA Qarabağ haqda bəyannamə qəbul edib
Avropa Şurası Parlament Assambleyası Dağlıq Qarabağ münaqişəsinin sülh yolu ilə həllinə çağıran bəyannamə qəbul edib. Ancaq bəyannamədə sülh yolu ilə həlldən başqa konkret heç nə deyilmir.
Ən güclü pasport hesabatı
Passport İndex 2016 adlı yeni hesabata görə dünyada ən güclü pasport Almaniya və İsveçindir. Bu pasporları daşıyan 157 ölkəyə vizasız gedə bilər.
Finlyandıya, İtaiya, İsveçrə, Fransa, İspaniya , Böyük Britaniya vətəndaşları 156 ölkəyə vizasız gedir.
Siyahıda Rusiya 39-cudur ( 103 ölkə vizasızdır), Ukrayna 46 (84), Qazaxstan 57 (69), Belarus 59 (67), Gürcüstan 60 (66), Azərbaycan 63 (62), Ermənistan 67 (58).
Lukoil prezidenti optimistdir
“Lukoyl” prezidenti Vahid Ələkbərov neftin 50 dollar səviyyəsinə qayıdacağını gözlədiyini bildirib.
Onun sözlərinə görə, bu, ilin sonu və ya gələn ilin əvvəli ola bilər:
“Hətta Doha görüşündən sonra da hər barellə 40-42 dollar qiymətini görürük. Bu, ondan xəbər verir ki, qiymət stabilliyi və artan trend mərhələsinə keçirik”.