Keçid linkləri

Təcili xəbərlər
2021, 03 Mart, çərşənbə, Bakı vaxtı 16:13

Müxalifətçinin cəzası dəyişmədi


Zeynal Bağırzadə

-

Martın 30-da Naxçıvan Apellyasiya Məhkəməsi Azərbaycan Xalq Cəbhəsi Partiyası fəalı Zeynal Bağırazadə barəsində hökmü qüvvədə saxlayıb.

Bu haqda onun qardaşı Yaşar Bağırsoy məlumat verib.

Yaşar Bağırsoyun bildirdiyinə görə, apellyasiya şikayətində Z.Bağırzadə barəsində Babək rayon Məhkəməsinin çıxardığı hökmün qanunsuz olduğu qeyd edilib. Məhkəmədən həmin hökmün ləğv edilib, qardaşına bəraət verilməsi istənilib.

Naxçıvan Apellyasiya Məhkəməsi şikayəti əsassız sayaraq birinci instansiya məhkəməsinin hökmünü qüvvədə saxlayıb.

2012-ci ildə 7 il yarım şərti cəza alan Z.Bağırzadə 2015-ci ilin noyabrında həbs olunub. Babək rayon Məhkəməsi onu dövlət qulluqçusuna zor tətbiq etməkdə (Cinayət Məcəlləsinin 315-2-ci maddəsi) günahkar sayaraq 8 il müddətinə azadlıqdan məhrum edib.

Z.Bağırzadənin qardaşı Yaşar Bağırsoy AXCP Naxçıvan təşkilatının rəhbəridir. Y.Bağırsoy qardaşının həbsinin siyasi məzmunlu olduğunu deyir.

“Qardaşımı mən Azərbaycan Xalq Cəbhəsinin Naxçıvan təşkilatının rəhbəri olmağıma görə, həbs ediblər”.

XS
SM
MD
LG