-
Martın 31-i Bakı və Abşeronda hava buludlu olacaq. Gecə və səhər yarımadanın bəzi yerlərində yağış yağacağı ehtimalı var.
Ekologiya və Təbii Sərvətlər Nazirliyinin Milli Hidrometeorologiya Departamentinin xəbərinə görə, Abşeronda gecə 6-8, gündüz 8-13 dərəcə isti olacaq. Bakıda isə gecə 6-8, gündüz 9-11 dərəcə isti gözlənilir.
Sabah ölkənin rayonlarında da yağış yağacaq. Dağlıq rayonlarda yağıntının sulu qara, qara keçəcəyi gözlənilir. Gecə 3-8, gündüz 11-16 dərəcə isti olacaq. Dağlarda gecə 3 dərəcə şaxtadan 2 dərəcəyədək isti, gündüz 3-8 dərəcə isti proqnozlaşdırılır.