-
Martın 9-da Mərkəzi Bankının keçirdiyi hərracda Neft Fondu satışa 50 milyon ABŞ dolları çıxarıb.
Xəbəri Fondun ictimaiyyətlə əlaqələr şöbəsi yayıb. Hərracda iştirak edən 24 bank təklif edilən valyutanı alıb.
Ancaq Neft Fondunun yaydığı məlumatda hərracda tələbatın nə qədər olduğu açıqlanmır.
Keçən həftə keçirilən hərraclarda bankların dollara olan tələbatının tam ödənmədiyi bildirilirdi.
Halbuki, Mərkəzi Bankın rəhbəri Elman Rüstəmov da deyirdi ki, bankların dollara olan bütün tələbatı ödənir.