Qadın futbolçulara baş örtüklü yeni forma dizaynı
Danimarkanın idman geyimləri şirkəti Hummel 8 Mart Beynəlxalq Qadınlar gününü müsəlman qadınlar üçün yeni futbol formasının dizaynını təqdim etməklə qeyd edib. Əfqanıstan qadın futbol yığması üçün təklif olunan bu formada köynəyin içinə tikilmiş baş örtüyü var (Assoşieyted press)
Hummel şirkətinin sahibi Cristian Stadil deyir ki, müsbət dəyişiklik etmək istəyirsinizsə, xalqların, ölkələrin ehtiyaclarına açıq olun.
Azərbaycanda 100 min əhaliyə 238 dustaq düşür
Avropanın 47 ölkəsini birləşdirən Avropa Şurası həbsxana statistikasını açıqlayıb. Avropada hər 100 min nəfər əhaliyə 124 məhbus düşür. Statistika 2014-cü il sentyabrın 1-nə olan vəziyyətə əsaslanır. O vaxt Azərbaycanda 22579 dustaq olub. Bu da əhalinin hər 100 min nəfərinə 238 dustaq düşdüyünü göstərir. Türkiyədə bu göstərici 197, Rusiyada 467-dir. Gürcüstanda 227, Ermənistanda 131-dir.
Ukraynalı pilot Savchenkonun məhkəməsində dinləmələr bitdi
Ukraynalı pilot Nadia Savchenko-nun məhkəməsi bitib. Martın 9-da keçirilən iclasda hakim bildirib ki, hökm martın 21-22-də oxunacaq.