Keçid linkləri

2024, 19 May, bazar, Bakı vaxtı 09:21

Sovetdənqalma idman daşlarına bir evin pulunu təklif edirlər


Kazakhstan - dumbel
Kazakhstan - dumbel

-

Mərkəzi Asiya ölkələrində sovet vaxtından qalma idman daşları ətrafında görünməmiş ajiotaj müşahidə olunur.

Sosial şəbəkələrdə və elan saytlarında bir daşa 10 min dollar da təklif edirlər.

Hətta Astana ətrafında bütöv bir evi verməyə hazır olanlar da tapılır.

İş o yerə çatıb ki, belə elanları görən qazaxıstanlılar belə idman daşlarını almaq ümidilə dükanlara cumublar.

Adamlar əldə etdikləri idman daşlarını yaxşı qiymətə satmağa ümid edirlər.

Aktau şəhərindən olan fitness təlimatçısı deyir ki, ona sovet vaxtından qalma bir idman daşı müqabilində 700 dollar təklif olunub.

Ölkənin Mangistau vilayətində isə evlərdən idman daşlarının oğurlanması halları olub. İndi polis cinayət işi açaraq cinayətkarı axtarır.

İnsanların belə sövdələşmələrdə pul qazanması barədə məlumat yoxdur. Ancaq idman daşlarını alan adamların onları sonradan sata bilməməsi halları mövcuddur.

"Mən biri 40 min tengeyə (110 dollar), biri də 55 tengeyə (150 dollar) olmaqla iki idman daşı aldım. Onları İnternetdə 10 min dollara satmaq istəyirdim... Amma sonra İnternetə girdim, o elan daha orda yox idi. Zəng vurduğum telefona da zəng çatmırdı," - deyə bir vətəndaş bildirir.

İndi təcili idman daşı almaq istəyi barədə elanların çoxu artıq ləğv edilib. Amma əldə etdiyi daşları satmaq istəyənlərin yerləşdirdiyi elanların sayı-hesabı yoxdur.

____________________________________________________________

Bunlara da bax:
Azərbaycandan Rusiyaya nota
“Prezident olsaydım, təhsil nazirini işdən çıxarardım”

_____________________________________________________________

Bildirilir ki, hər şey sovet istehsalı olan bəzi idman daşlarının tərkibində qiymətli metalın olması barədə şayiələrdən başlayıb. Bu şayiənin İlf və Petrovun hələ 1931-ci ildə nəşr olunmuş "Qızıl buzov" kitabından qaynaqlandığını düşünənlər də var.

Ancaq XXI əsrdə bu şayiələri kimin yaydığını heç kim bilmir. Yerli KİV-lər bunun fırıldaqçıların işi olduğunu düşünürlər.

Bir ay əvvəl isə Tacikistanda analoji vəziyyət müşahidə olunub. Burada anonim alıcılar sosial şəbəkələrdə spesifik idman daşları üçün 10 min dollara qədər pul təklif ediblər.

Azadlıq Radiosunun jurnalistləri alıcı ilə görüşməyə nail ola bilməyiblər. Belə ki, o, elanla birlikdə yoxa çıxıb.

Tacik sosioloqları cəmiyyətdə buna bənzər halların ortaya çıxmasını böhran, habelə əhalinin iqtisadi savadının aşağı, maddi vəziyyətininsə çətin olması ilə əlaqələndiriblər.

Buna da bax...

"İslam Dövləti" yaraqlıları ilə qonşuluqda yaşayanlar
Gözlə

No media source currently available

0:00 0:02:42 0:00

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG