-
Kreml Suriya-Türkiyə sərhədində artan gərginlikdən narahatdır.
Bunu Rusiya prezidenti Vladimir Putin-in sözçüsü Dmitry Peskov «Rossiya 24» telekanalına müsahibəsində deyib.
Peskov Türkiyənin Suriya ərazisini bombalamasının qəbuledilməz olduğunu deyib. Bildirib ki, Rusiya bundan sonra da terrorçu qruplarla mübarizə aparan Suriya ordusunu dəstəkləyəcək.
Bu arada Türkiyənin BMT-dəki daimi nümayəndəsi Halit Çevik Türkiyənin özünü müdafiə hüququndan əl çəkməyəcəyini bildirib.
Fransa prezidenti François Hollande bir neçə gün əvvəl Türkiyə ilə Rusiya arasında müharibə riskinin olduğunu bildirib.