-
Nurlan Qədim
Təkərlər
Sən bir dəcəl uşaqdın
Cüvəllağıydın bir az
Düşməninə dost idin
Dosta yağıydın bir az.
Cüvəllağıydın bir az
Düşməninə dost idin
Dosta yağıydın bir az.
Daimi sakiniydin
Küçələrin, tinlərin
Harda bir maşın görsən
Qaraldardın şinlərin.
Küçələrin, tinlərin
Harda bir maşın görsən
Qaraldardın şinlərin.
Çay pulun, çörək pulun
Təkərlərdən çıxırdı
Yeddi nəfərlik külfət
Təkcə sənə baxırdı.
Təkərlərdən çıxırdı
Yeddi nəfərlik külfət
Təkcə sənə baxırdı.
Anan yataq xəstəsi
Atansa əlil idi
Bu əməyin bu yaşa
Ən böyük dəlil idi.
Atansa əlil idi
Bu əməyin bu yaşa
Ən böyük dəlil idi.
10 yaşın olmamışdan
40 yaşında kişiydin
Bu fırıldaq dünyanın
Bəlkə ən düz işiydin.
40 yaşında kişiydin
Bu fırıldaq dünyanın
Bəlkə ən düz işiydin.
Təkər qaraltmağınla
Sən ağ gün istəyirdin
Özün bir qazananda
Yada min istəyirdin.
Sən ağ gün istəyirdin
Özün bir qazananda
Yada min istəyirdin.
Balaca qardaş-bacın
Səni ata bilirdi
Yuxusuz anan bircə
Sənlə yata bilirdi.
Səni ata bilirdi
Yuxusuz anan bircə
Sənlə yata bilirdi.
Zəhmət adlı anlayış
Qarşında lal kimiydi
Gətirdiyin şor-çörək
Süfrədə bal kimiydi.
Qarşında lal kimiydi
Gətirdiyin şor-çörək
Süfrədə bal kimiydi.
Əlin mazut içində
Paltarın yağ olurdu
Üst-başın hisli-paslı
Üzünsə ağ olurdu.
Paltarın yağ olurdu
Üst-başın hisli-paslı
Üzünsə ağ olurdu.
Sən çörək qazanırdın
İsti-soyuq bilmədən
Beləcə böyüyürdün
Bir ürəkdən gülmədən.
İsti-soyuq bilmədən
Beləcə böyüyürdün
Bir ürəkdən gülmədən.
Ağlına gələrdimi
Sonun belə olacaq
Qaraltdığın təkərlər
Səndən qisas alacaq...
Sonun belə olacaq
Qaraltdığın təkərlər
Səndən qisas alacaq...
