-
«Azərbaycanın İslam koalisiyasına qoşulması barədə, hələlik, qərar qəbul olunmayıb».
Bunu Xarici işlər naziri Elmar Məmmədyarov Bakıda səfərdə olan türkiyəli həmkarı Mevlüt Çavuşoğlu ilə görüşdən sonra keçirilən mətbuat konfransında bildirib.
APA-nın xəbərinə görə, E.Məmmədyarov deyib ki, terrorla mübarizə genişmiqyaslı məsələdir:
«Koalisiyaya qoşulmaq üçün təklif almışıq. Qərar, hələlik, qəbul olunmayıb. Azərbaycanın koalisiyada hansı şəkildə iştirak edə biləcəyini müzakirə edirik».