-
«Bank sektorunda konsolidasiya aparılmalıdır».
APA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə deyib.
«Bəzi kommersiya banklarında problemlər var, onların fəaliyyəti sağlamlaşdırılmalıdır», - deyə Z.Səmədzadə bildirib.
Komitə sədri qeyd edib ki, kommersiya bankları kreditləşmə siyasətində real sektora daha çox üstünlük verməlidir:
«Real sektora yönələn kreditlər üzrə faiz dərəcəsi də azaldılmalıdır».
O əlavə edib ki, banklar regionlarda ipoteka kreditləşməsini aktivləşdirməlidir.
Deputatın fikrincə, bu addım regionları, onların iqtisadiyyatını canlandıracaq.
Yada salaq ki, 2008-2011-ci illərdə Mərkəzi Bank 4 bankın lisenziyasını ləğv edib. 2016-cı ilin yanvar ayı ərzində daha 7 bank lisenziyadan məhrum edildi. Sonradan onlardan birinin – «NBC bank»ın lisenziyası geri qaytarıldı. Mərkəzi Bank həmin bankların bağlanmasına səbəb kimi onların öhdəlikləri yerinə yetirə bilməmələrini göstərdi.
Bundan əlavə, MB da banklara konsolidasiya təklifini vermişdi.