«NARDARAN ƏMƏLİYYATINDA QARANLIQ MƏQAM KİFAYƏT QƏDƏRDİR»
Vəkil Cavad Cavadov keçən il noyabrın 26-da baş tutan «Nardaran əməliyyatı»barədə «Amerikanın səsi»nə açıqlama verib. O, bu əməliyyatda kifayət qədər qaranlıq məqamların olduğunu düşünür:
«Nardaranda olan zaman dövlət orqanları Taleh Bağırzadəni dəvət etsəydilər o bu çağırışa gedəcəkdi. Amma fikrimcə, onun könüllü gəlməsi kimlərəsə əl vermirdi. Odur ki, belə bir əməliyyat keçirildi».
Skype-da yeni virus
«Skype» istifadəçilərinin danışıq və özəl bilgilərini ələ keçirən yeni virus yayılıb.
«T9000» adlı yeni virusu bir təhlükəsizlik şirkətinin ekspertləri üzə çıxarıb.
«Daily Mail»in yazdığına görə, ən təsirli antivirus proqramları da bu virusun qarşısında aciz qalıb.
Ekspert açıqlamalarından o nəticəyə gəlmək olar ki, istifadəçilərə dair məlumat toplamaq həmin virusun ilkin hədəfidir - videozənglər olunca, istifadəçinin fotosu çəkilib yaddaşa verilir və danışıqlar yazılır.
Dollar kreditini 1,05 məzənnəsi ilə qaytarmaq layihəsi
Əmək və Sosial Siyasət Komitəsinin üzvü Araz Əlizadə AzaldıqRadiosuna deyib:
– Hazırda Komitədə valyuta ilə kredit götürən şəxslərin banklara borclarını ikinci devalvasiyadan əvvəlki kursla, yəni 1.05-lə ödəməsini tənzimləyən qanun layihəsi üzərində işləyirik. Söhbət 10 minə qədər krediti olan şəxslərdən gedir. Başqa təkliflər də var, ancaq onların haqqında hələ danışmaq tezdir, çünki hazırda müzakirə səviyyəsindədir.
Qeydiyyatsız filmə 2 min manat cərimə ödənəcək
Mədəniyyət və Turizm Nazirliyi İnzibati Xətalar Məcəlləsində dəyişikliklə bağlı bildiriş yayıb.